May mga tawo nga naandan na nga hugasan ukon tinloan ang ila mga kamot matapos makakapot sang ano man nga butang kag kaayuhon ang mga nagalapta nga gamit sa palibot.
Natural na sa iban nga tawo ang pagka-tinlo kag organisado apang may yara sang kahigayunan nga ini ang makabig nga disorder ukon balatian.
Suno kay Richtofen de Jesus, clinical psychologist, may duha ka mga talaksan agud mahambal nga may obsessive-compulsive disorder (OCD) ang pagka-tinlo kag organisado sang isa ka tawo.
Ini amo ang obsession kag compulsion.
Ang obsession ang liwat-liwat nga pagpanumdom nga nagakahangawa sa isa ka tawo samtang ang compulsion naman amo ang paghulag agud nga masolbar ang obsession.
Dugang pa sang eksperto, indi pa makabig nga disorder ang pagka-tinlo ukon organisado sang tawo kun masarangan pa niya nga agwantahon ang magamo ukon mahigko nga palibot.
Mahimo man nga mahulog sa psychosis ukon pagkabuang ang pagbalewala sa pagka-OCD sang isa ka tawo.
