ILOILO CITY – Nagnubo ang kaso sang leptospirosis nga na rekord sang Iloilo City Health Office sa sulod sang Enero tubtob Hunyo 2019 ipaanggid sang nakaligad nga tuig.
Sa interview sang Bombo Radyo kay Dr. Bernard Caspe, city health officer, iya ginpahayag nga na rekord ang lima ka kaso sang leptospirosis kag isa ang patay sa sulod sang anom ka bulan mas nubo ipaanggid sa 17 nga kaso sang leptospirosis kag apat ang patay sang tuig 2018.
Suno kay Caspe, nagalaum siya nga indi na magdamo ukon madugangan pa ang kaso sang leptospirosis sa syudad sang Iloilo.
Dugang pa sang natungdan, magpakonsulta gilayon sa ospital kun ginahilanat.
Panugyan sang city health officer, indi maglusong sa mga tubig ukon baha ilabi na kun may yara sang pilas bangud ang tubig ang mahimo nga may bacteria sang ilaga.
