Indi pagsuportahan ni Senator-elect Christopher Bong Go ang ano man nga impeachment case batuk kay Presidente Rodrigo Duterte.
Suno kay Go, may yara sang kinamatarong ang mga kritiko sang Presidente nga magpasaka sang impeachment complaints kun para sa ila may yara sang ginlapas nga layi si Duterte.
Apang nagapati ang senador nga ginahimo lamang sang presidente kun ano ang makapamaayo sa pungsod.
Nahibaluan nga ginpahayag sang Presidente nga iya presohon ang mga kritiko nga magpasaka sang impeachment case batuk sa iya.
Nangin ugat sang impeachment ang nauna nga pahayag ni Duterte may kaangtanan sa Chinese fishermen nga makapangisda sa exclusive economic zone (EEZ) sang Pilipinas.
Ini man bangud suno sa presidente nga mag-abyan ang Pilipinas kag China kag indi nagakadapat nga may matabo nga ‘bloody conclusion’.
