Nagalaum si anay House Speaker kag subong Davao del Norte First District Representative Pantaleon Alvarez nga mapungkuan niya sa liwat ang iya pwesto bilang House Speaker sa Kamara.
Suno kay Alvarez, nakig-istorya siya kay Presidente Rodrigo Duterte tuhoy sa iya nga plano sa Speakership race kag ginpamatian man siya sang presidente.
Dugang pa sang natungdan, nakadepende na sa Ginoo kag sa mga kaupod niya sa Kamara kun sin-o ang mangin masunod nga speaker apang sa gihapon, yara siya nagapabilin sa listahan nga pilian.
Magluwas kay Alvarez, nagalaum man sanday Taguig Rep. Alan Peter Cayetano, Marinduque Rep. Lord Alan Velasco kag Leyte Representative-elect Martin Romualdez nga mapungkuan ang nasambit nga posisyon.
