ILOILO CITY – Ginbuno sang asawa ang iya mismo nga bana sa Barangay Ungka Jaro, Iloilo City.
Santu sa blotter report sang bana nga si Jason Ocate, 31 anyos, kag driver sang truck, sa iya pag-abot sa ila nga balay, gilayon lang siya nga ginbuyayaw sang iya misis nga si Minda Ocate, 29 anyos kag saleslady sa isa ka mall.
Wala pa ma kuntento ang misis kag ginbuno niya si Jason sa nawala nga bahin sang liog.
Ginhanaan pa ni Minda liwat nga bun-on ang iya bana apang maswerte nga ini ang nakalikaw.
Wala man nasaad sa blotter report ang motibo sang pagbuno sang misis sa iya nga bana.
Sa subong, ginatugyan na sa barangay ang nasambit nga insidente.
