ILOILO CITY– Ginarespeto sang Iloilo City Anti Smoking Task Force (ICAST)ang nangin desisyon ni Iloilo City Mayor Jerry Treñas nga mag-appoint sang bag-o nga pinuno sang nasambit nga task force.
Sa interview sang Bombo Radyo kay Mr. Iñigo Garingalao, iya ginpahayag nga unoficially kag verbaly siya ginhambalan ni City Administrator Melchor Tan nga bakantehun ang iya posisyon agud mahatagan ligwa ang alkalde nga magpili sang mangin pinuno sang tak force.
Suno kay Garingalao handa man siya nga magbulig sa pagtraining kag pagpakigbahin sang iya mga ideya sa kun sin-o ang magabulos sa iya.
Ginpabugal man ni Garingalao ang iya mga nahimuan sang siya pa ang pinuno sang ICAST sa diin natigayun ang Smoke Free Festivals kag ang Iloilo ang nangin smoke Free City.
Magluwas suno sa iya sa pagpanakop sa mga nagapanigarilyo napadayun man ang kids smoke free storytelling program sang ICAST.
Apisar nga indi na siya ang pinuno sang nasambit nga task force apang padayun niya nga igaduso ang adbokasiya sa anti-smoking bangud mahimo man makahiwat sang event ang syudad nga wala sang sigarilyo.
