Nanguna si Leyte Congressman Martin Romualdez sa mga kandidato sa pagka-Speaker sang House of Representatives sa survey sang RP-Mission and Development Foundation Inc. (RPMDinc).
Suno kay Dr. Paul Martinez sang RPMDinc, yara sa “turmoil stage” ang incoming members sang House of Representatives sa diin obligasyon nila nga pulsuhan ang sentimyento sang ila mga constituents kag nagasalig nga mapamatian man ang ila nga tingog.
Nakakuha si Romualdez sang 30% sa survey kag ginsundan nanday Taguig Congressman Alan Peter Cayetano nga may 23%; anay Speaker Pantaleon Alvarez nga may 18%; kag ang pinaka-ulihe amo si Marinduque Rep. Lord Allan Velasco nga nakakuha lamang sang 14%.
Sa nangin resulta sang nationwide survey, no.1 si Romualdez sa Visayas nga may 35%, sa Balance of Luzon nakakuha siya sang 31% samtang 23% naman sa Mindanao regions.
Sa National Capital Region (NCR), nanguna naman si Cayetano nga may 33% kag nagpangaduha si Romualdez nga may 27%.
Sa Balance of Luzon, nagapangaduha si Cayetano kay Romualdez nga may 31%.
Sa Visayas regions, si Velasco ang nakakuha lang sang 19% nga ginapangunahan sa gihapon ni Romualdez nga may 35% kag si Cayetano ang yara sa ika-duha nga pwesto nga may 21%.
Sa Mindano, “statistically tied” si Romualdez nga may 23% kag 20% naman ang nakuha ni Alvarez.
Ang RMPDinc ang isa ka non-commissioned survey kag ini ang ginpatigayon sang Hunyo 26 tubtob 31,2019 nga may yara sang 3,500 registered voters nationwide kag may +-3% margin of error.
