ILOILO CITY – Magapatigayon sang pagsinapol ang Public Safety and Transportation Management Office (PSTMO) sa Lunes, Hulyo 8,may kaangtanan sa pagpakaayo sang dalan, lakip na ang konstruksyon sang drainage system sa syudad sang Iloilo.
Sa interview sang Bombo Radyo kay Mr. Jeck Conlu, pinuno sang PSTMO, iya ginpahayag nga indi pa ma-umpisahan ang pagpakaayo sang dalan sa E. Lopez St. kag Infante Molo tubtob nga indi maplastar ang traffic plan.
Suno kay Conlu, kaupod sa pagsinapol amo si Iloilo City Mayor Jerry Treñas, Iloilo City District Engineering Office sang Department of Public Works and Highways (DPWH) kag mga kontraktor agud nga ma-presentar ang traffic plan sang PSTMO.
Dugang pa sang natungdan, matapos nga ma-finalize na ang traffic plan, iya man iga-patawag ang mga transport groups sa syudad agud nga mangin aware man sa nasambit nga plano.
Nahibaluan nga temporaryo nga siraduhon ang mga nasambit nga dalan humalin sa Hulyo 16, 2019 tubtob Abril 2, 2020 para sa pagpakaayo sang mga dalanon bilang solusyon sa pagpugok sang trapiko.
