Nagasululobra na ang numero sang mga pasyente sa tanan nga district hospital kasunodsang dengue outbreak sa probinsya sang Iloilo.
Sa interview sang Bombo Radyo Iloilo kay Dr. Cynthia Cabangal-Ng, pinuno sang Hospital Management sang Probinsiya sang Iloilo, iya ginpahayag nga naglab-ot na sa 1,984 ang mga pasyente sa tanan nga mga ospital sa bilog nga probinsya sa diin 769 diri ang dengue patients.
Suno kay Ng, tuman ka dako ini nga numero para sa 590 nga gintingob nga bed capacity sang tanan nga mga district hospitals sa probinsya.
Ginpahayag sang Hospital Management head nga ila ini ginamedyusan pinaagi sa pagpadala sa mga pasyente sang ila kaugalingon nga hiligdaan.
Samtang sa pinakaulihi nga data sang Provincial Health Office (PHO), nagapanguna ang Cabatuan nga may 137, ginasundan sang Balasan nga may 108, Sara nga may 97, Pototan nga may 82, kag Calinog nga may 80.
