ILOILO – Nagnubo ang Gender Based Violence sa Western Visayas.
Sa interview sang Bombo Radyo kay Police Major Marydith Ituriaga, pinuno sang Regional Women’s and Children’ Protection Desk, iya ginpahayag nga sang 2017, naglab-ot sa 28 ang kaso sang Gender Based Violence sa rehiyon.
Sang 2017, naglab-ot na gid lamang ini sa 26 kag subong nga 2019, naglab-ot gid lamang sa 3 ang reklamo batok sa mga pulis nga wala nagahatag sang nagakaigo nga sustento sa ila other family.
Sa subong, ang family court na suno kay Ituriaga ang maga-uyat sang kaso sa tion nga may yara sang reklamo.
Samtang, suno naman kay Police Lt. Col. Joem Malong, tagpamaba sang Police Regional Office (PRO) 6, iya ginpahayag nga samtang nagataas ang sweldo sang mga pulis, indi man malikawan nga may yara sang asawa nga magpalab-ot sang reklamo bangud sa kakulang nga sustento.
Suno kay Malong, wala na ginapahanugutan ang mga pulis nga maka-angkon sang other family ukon madamu nga pamilya bisan pa nga masaguran pa nila ini.
Ginpahayag ni Malong nga mahimo nga magpangatubang sang nagakaigo nga kaso ang mga pulis nga madakpan nga nagalapas sa nasambit nga pagsulundan.
