LEMERY, ILOILO – Nakaguwa na sa ospital ang anak ni Lemery Vice Mayor Ligaya Apura matapos nakabatyag sang dengue hemorrhagic fever.
Sa interview sang Bombo Radyo kay Vice Mayor Apura, iya ginpahayag nga ginhilanat ang iya grade 9 nga anak nga babaye kag nahibaluan nga positibo ini sa dengue virus sang iya ini ginpa-laboratory.
Suno kay Apura, nagataas kag naganubo ang hilanat sang iya bugtong nga anak kag nagasakit ang iya tyan samtang na confined ini sa ospital.
Sa subong, ginatinguhaan niya kag mismo sang iya anak nga mabalik ang kapagsik.
Panugyan sang bise alkalde sa mga ginikanan, bantayan sang maayo ang kabataan kag kun nagahilanat, gilayon dal-on sa health center ukon sa pinakamalapit nga ospital.
