ILOILO CITY – Makabasa na sang maayo ang isa ka senior citizen matapos nga mahatagan sang libre nga reading glass paagi sa Bombo Medico 2019.
Sa interview sang Bombo Radyo kay Paz Abonador sang Brgy. Buhang, Jaro, Iloilo City, iya ginpahayag nga indi na siya makabasa sang maayo bangud man sa iya katigulangon.
Suno kay Abonador, ini ang labing una niya nga kahigayunan nga nagpakigbahin sa Bombo Medico kag amo na lang ang iya kalipay bangud sa libre nga medical services nga iya nabaton.
Ginpahayag ni Abonador nga kun tani, madamo pa ang mabuligan sang Bombo Radyo Philippines paagi sa Bombo Medico.
