Luyag ni Senator Leila de Lima nga tutukan ang pagtaas nga numero sang sextortion sa social media.
Suno kay de Lima, kinahanglan nga magbuligay ang tanan nga ahensiya sang gobyerno agud matapos na ang ginahimo sang mga lokal nga sindikato nga padayon nga nagapangbiktima online.
Suno naman sa digital forensics investigator nga si Ali Fazeli, madamo sang impormasyon sa internet nga posible gamiton agud makahimo sang isa ka peke nga social media account.
Dugang pa sang senadora, nabutang na naman sa kahuy-anan ang Pilipinas bangud sa mga sindikato.
Nahibaluan nga nadakpan ang isa ka sextortion syndicate sa Bulacan nga ginapamunuan sang nagpakilala nga si Maria Caparas sa diin siya ang nagapangbiktima sang mga foreigners gamit ang mga babaye kag mga bata nga naga edad 11 anyos panubo.
Si Caparas ang ginbansagan nga “Sextortion Queen” kag preso na bangud sa child abuse kag trafficking.
Nagalaum si de Lima nga indi na kuntani ini maliwat kag kinahanglan nga tinguhaan sang tanan nga masigurado nga insakto kag hilway ang paggamit sang internet kag social media.
