ILOILO – Magaduso sang resolution ang Provincial Disaster Risk Reduction and Management Office kay Iloilo Governor Arthur Toto Defensor Jr. nga ipaidalom sa state of calamity ang probinsya sang Iloilo bangud sa dengue.
Ini kasunod sang padayon nga nagataas nga numero sang kaso sang dengue.
Sa interview sang Bombo Radyo kay Dr. Jerry Bionat, pinuno sang Provincial Disaster Risk Reduction and Management Office, iya ginpahayag nga nagpatigayon sila sang pagsinapol kaupod si Defensor kag pila ka mga department heads sa diin ginarekomenda sang ahensya sa gobernador ang pagpaidalom sa state of calamity ang probinsya.
Suno kay Bionat, kun mahimo nga mabaton na sang gobernador ang resolusyon, ipasa niya ini gilayon sa Sangguniang Panlalawigan agud nga madiskusyonan kag madesisyonan.
Santu sa data sang Provincial Health Office yari ang mga na rekord nga kaso sang dengue kada tuig;
-Sang 2010, may yara sang 6,500 nga kaso sang dengue
-Sang 2011, may yara sang 561 nga kaso sang dengue
-Sang 2012, may yara sang 3,481 nga kaso sang dengue
-Sang 2013, may yara sang 6,579 nga kaso sang dengue
-Sang 2014, may yara sang 2,289 nga kaso sang dengue
-Sang 2015, may yara sang 2,209 nga kaso sang dengue
-Sang 2016, may yara sang 9,392 nga kaso sang dengue
-Sang 2017, may yara sang 3,357 nga kaso sang dengue
-Sang 2018, may yara sang 2,316 nga kaso sang dengue
-Sang 2019, may yara sang 5,435 nga kaso sang dengue
Samtang, mahimo naman nga mahibaluan sa masunod nga semana kun ipaidalom sa state of calamity ang probinsya sang Iloilo.
