Nagapabilin nga dako nga palaligban para sa pamilya ang brutal nga pagbuno-patay sa 22-anyos nga asst. manager sang isa ka fastfood chain sa iya hulot sa Purok 4, Pavia, Iloilo.
Sa interview sang Bombo Radyo Iloilo kay Riman Fabiaña, magulang sang biktima nga si Eira Jane Fabiaña, iya ginpahayag nga wala siya sang mapinsaran nga tawo nga posible nagpatay kag mahimo nga naghimulos sa iya utod matapos nga nasapwan nga wala na sang kabuhi kag wala sang pang-idalom nga panapton.
Suno kay Riman, wala man sang may ginkawat sa kwarto sang iya manghod.
Ginpahayag niya nga wala man sang may nagapangaluyag diri.
Wala man sila sang nakit-an sa mga messages sa cellphone sang biktima nga mahimo makabulig sa imbestigasyon.
Apang, gintuad sini nga may nabaton sila nga pagpamahog sa kabuhi.
Ini may kaangtanan sa ginkaulamiran sadto sang ila amay nga si Eric Fabiaña sa diin na-involved ini sa isa ka shooting incident batok sa mga bodyguards ni Itik Espinosa sa diin patay si Fabiaña apang may napatay man ini nga bodyguard ni Espinosa.
Posible suno sa natungdan nga luyag magtimalos sang mga ini apisar nga patay na ang ila amay.
