May nabatian nga singgit nagikan sa hulot sang 22-anyos nga asst. manager sang isa ka fastfood chain antes ini nasapwan nga patay kag madamo sang igo sang pagkabuno sa Purok 4, Pavia, Iloilo.
Sa interview sang Bombo Radyo Iloilo kay JV Casiano, trisikad driver, kag residente man sang nasambit nga lugar, iya ginpahayag nga nag-inom sila sang iya duha ka abyan nga sanday John kag Gio sa atubang sang tiangge sa gwa sang una nga napalgan sang balay sang biktima.
Suno sa iya, diri na siya natulugan sa gwa sang tiangge nga tadlong gid sa hulot sang biktima nga nahamtang sa ikaduha nga panalgan.
Ginpahayag ni Casiano nga sa tunga-tunga sang ala- una kag alas- 4 sang kaagahon, may nabatian ini nga tingog sang babaye nga nagasinggit sang tinaga nga ‘Indi ko ya’.
►►Autopsy examination sa bangkay sang 22 anyos nga assistant manager sang isa ka fast food chain, ginpaguwa na
►► Mayor Luigi Gorriceta, magahatag sang reward money sa makatudlo sa suspek nga nagpatay sa assistant manager sang isa ka fast food chain
►►Isa sa mga persons of interest, ginpanginwla ang kahilabtanan sa pagpatay sa isa ka assistant manager sang isa ka fast
►► Motibo sa pagpatay sa 22-anyos nga asst. manager sang fastfood chain nga nasapwan sa iya hulot sa Pavia, nagapabilin nga palaligban
Apang wala ini ginsapak ni Casiano.
Pagka- aga didto na nasapwan ang biktima nga wala na sang kabuhi.
Gindugang naman sang nasambit nga trisikad driver nga wala man ini sang nakit-an nga tawo nga nagsulod sa balay sang biktima.
