Patay bangud sa dengue sa Pilipinas, nagdangat na sa 152 ka tawo

Nagtaas na naman ang numero sang biktima nga napatay bangud sa dengue demorrhagic fever.

Suno kay National Disaster Risk Reduction and Management Council (NDRRMC) Executive Director Ricardo Jalad, nagdangat sa 152 na ang tawo nga patay sa bug-os nga Pilipinas sa diin ini ang makabig nga makaalarma.

Samtang naglab-ot naman sa 25,772 ang kaso sang dengue nga narekord sa Region VI (Western Visayas), Region VII (Central Visayas), Region VIII (Eastern Visayas) kag Region 12 (South Cotabato, Cotabato City Sarangani, General Santos City).

Ang nasambit nga numero ang na rekord humalin sang Enero 1 tubtob Hulyo 13 subong nga tuig.

Pinakamalala nga naapektuhan ang Western Visayas nga may 15,813 nga ginsundan sang Region 7 nga may 9,594 nga kaso, Region 12 nga may 12,308 nga kaso kag Region 8 nga may 57 nga kaso sang dengue.

Ang 152 ka tawo nga napatay ang nagikan sa Cebu nga may 36 na ang patay, ginsundan sang Negros Occidental nga may 23, Iloilo nga may 20, Bohol nga may 19 kag Capiz nga may 15.