ILOILO CITY – Patay na sang masapwan ang isa ka lalaki matapos nalumos sa Batiano River sa San Juan Molo, Iloilo City.
Ang biktima amo si Artemio Gacita, 64, kasado kag may nervous breakdown.
Sa interview sang Bombo Radyo kay Ireneo Sobrevega, 40, residente sang Zone 3 San Juan Molo, iya ginpahayag nga pagbukas sini sang ila bintana, diri kag nakita sini ang bangkay sang biktima.
Wala naman sang nakita nga dalagko nga pilas sa lawas sang biktima.
Samtang suno naman kay Gilda Gacita, asawa sang biktima, iya ginpahayag nga antes nadula ang iya bana, naglumpat ini halin sa atop sang ila balay.
Ginpakigbahin man sang natungdan nga nagsala sala pa ang iya bana antes matabo ang insidente sa diin ginpahayag sini nga may nagalagas sa iya nga tawo kag plano nga magpatay sa iya.
