ILOILO CITY – Nagpaathag ang tiayon nga nadakpan sang iya bana nga yara sa sulod sang Katrina Lodge sa Hechanova St., La Paz, Iloilo City kaupod ang iya kirido.
Sa interview sang Bombo Radyo kay alyas Lorena, iya ginpahayag nga indi matuod ang akusasyon sang iya bana nga si alyas Roldan.
Suno kay Lorena, pila pa lang ka bulan ang ila relasyon ni alyas JB nga kilala niya humalin sang High School.
Ginpahayag ni Lorena nga ang iya bana nga si Roldan ang una nga nagpangluib apang ginahipsan lang niya ang tuhoy diri.
Sa pagkamatuod suno kay Lorena, siya ang una nga ginpakahuy-an ni Roldan sa social media bisan nga wala man siya sang may ginahimu nga malain.
Magluwas diri, ginpalayas naman siya sang iya bana sa ila balay.
Sa pihak sang natabo, ginpahayag sang natungdan nga wala na siya sang plano nga magbalik sa luyo sang iya bana kag handa siya nga atubangon ang igapasaka nga kaso batok sa iya.
