ILOILO CITY – Dakop sa drug buy bust operation ang 18 anyos nga lalaki sa Katilingban, Molo, Iloilo City.
Sa interview sang Bombo Radyo kay Police Major Engelbert Banquillo, hepe sang Molo Police Station, iya ginpahayag nga nakuha kay Clint Legaspi sang Barangay Sinikway, Lapuz, Iloilo City ang tatlo ka sachet sang marijuana kag P2,500 ang buy bust money.
Suno kay Banquillo, nakuha man ang ‘visitors pass’ kay Legaspi nga iya sang isa ka ospital sa Mandurriao.
Ini bangud nga bag-o lamang bun-ag ang asawa sang subject kag nagapabilin subong sa ospital.
Samtang ginpanginwala naman sang subject ang mga narekober sa iya nga posisyon.
