SAN JOAQUIN, ILOILO – Nagkalaguba ang mga balay malapit sa coastal area sa San Joaquin Iloilo bangud sa mabaskog nga balod kag hangin.
Sa interview sang Bombo Radyo kay Ailene Josico, iya ginpahayag nga apat ang totally damage kag 15 naman ang partially damage nga balay sa Barangay Tiolas sa nasambit nga banwa.
Ang mga tag-iya sang totally damage nga balay amo sanday Julius Sepro, Gil Neri, Nestor Sarad kag Jevi Silva.
Samtang, tatlo naman ang totally damage nga balay sa Brgy. Masagod, San Joaquin.
Suno kay Brgy. Kagawad Raymond Sibongga, temporaryo lamang nga ginpatulog ang mga biktima sa simbahan kag sa brgy. hall.
Magapatigayon naman sang pagsinapol ang mga opisyales sang nasambit nga mga barangay agud nga ma diskusyonan kag ma planohan ang mahimo nga mabulig sa mga apektado nga mga pamilya.
