Ginsiguro ni PNP Chief General Oscar Albayalde nga 100% na ang lebel sang preparasyon sang kapulisan kadungan sang pagahiwaton nga State of the Nation Adress ni Pesidente Rodrigo Duterte sa Lunes, Hulyo 22.
Pataason man sang PNP sa full alert status ang 195,000 nga pwersa sini umpisa alas-6 sang aga bwas nga adlaw.
Ginabanta 14,000 ka mga pulis ang iga-deploy sa SONA sa diin 8,500 diri ang ipahamtang sa venue malapit sa Batasan Complex kag security sites.
Ang dugang nga 1,000 amo ang augmentation forces lakip na ang tropa sang mga militar.
Suno kay Albayalde, wala sila sang may nabaton nga security threat apang mas maayo na nga nakahanda sa tanan nga oras agud mabalabagan ang mga grupo nga posible mangsabotahe sa SONA.
Dugang pa sang natungdan, hugton nila ang seguridad lakip na ang pagpalapta sang intelligence monitoring team sa rally site agud mahatagan sang proteksyon ang mga demonstrador batuk sa komunista nga grupo.
Ipatuman man ang pagpatay sang mga cellphone signal samtang dumilian naman ang pagpalupad sang mga drones sa mga sibilyan kag mismo ang security forces lamang ang may gahom nga himuon ini.
