ILOILO CITY – Ginakalipay ni Iloilo City Mayor Jerry Treñas ang pagbuylog sang mga pumuluyo kadungan sang pag-umpisa na sang citywide clean-up agud matapna ang pagduging sang Dengue Hemorrhagic Fever.
Sa interview sang Bombo Radyo kay Treñas, iya ginpahayag nga makabig nga nangin madinalag-on ang paglunsyar sang ‘Ugsaran tinlu-an para balati-an malikawan’.
Suno kay Treñas, madamu ang nagbuylog sa pagpaninlo sa palibot ilabi na sa mga eskwelahan kag merkado publiko.
Sa subong suno kay Treñas, kinahanglan lang nga ipabilin ang gawi sa pagpaninlo agud nga wala sang istaran ang lamok nga nagadala sang balati-an.
