ILOILO CITY – Napuhag ang mga pumuluyo sa Project 2 Brgy. Sooc, Arevalo, Iloilo City matapos nga ginbuno ang manugbaligya sang isda sa nasambit nga lugar.
Ang biktima amo si Jose Peñola.
Sa interview sang Bombo Radyo kay Barangay Kagawad Judy Pecto, iya ginpahayag nga wala na nila maabtan pa ang suspek sa krimen nga ginapahayag amo si Ronald Buendia.
Gina-alegar tatlo ka buno ang naangkon sang biktima sa iya nga tiyan.
Gilayon naman nga ginpadangat sa ospital si Peñola agud madapatan sang nagakaigo nga pagbulong.
Samtang natigayon nga makapalagyo ang ginapahayag suspek sa pagbuno sa biktima sakay sa iya nga motorsiklo.
Padayon pa ang imbestigasyon sang Arevalo Police Station sa motibo sa pagbuno sa biktima.
