ILOILO – Wala sang may mahimo ang Philippine Charity Sweepstakes Office kundi ipauntat ang tanan nga gaming entities sa idalom sang nasambit nga ahensya.
Ini ang kasunod sang mandu ni Presidente Rodrigo Duterte nga ipauntat ang tanan nga pahampang bangud sa kurapsyon sa Philippine Charity Sweepstakes Office.
Sa interview sang Bombo Radyo kay Jeanette Lloyd, Branch Manager sang Philippine Charity Sweepstakes Office-Iloilo, iya ginpahayag nga mismo sila ang nakibot man sa mandu ni Presidente Duterte.
Sa pagkamatuod suno kay Lloyd, kaina lang sang udto nila nabaton ang memorandum halin sa central office tuhoy sa pagpasirado sang tanan nga gaming entities nga nagapataya sang Small Town Lottery, Lotto kag iban pa nga pahampang.
Sa subong suno sa natungdan, nagapakig-angot sila sa tanan nga talatapan sang Philippine Charity Sweepstakes Office para mahibalu-an ang dugang nga abiso tuhoy sa closure.
