Nagpasalig ang Iloilo City Police Office nga ila hatagan sang seguridad ang bilog nga Syudad sang Iloilo pananglitan madayon ang pag-repeal sang Executive order 146 ukon ang Liquor ban sa syudad sang Iloilo.
Sa interview sang Bombo Radyo kay Iloilo City Police Office Director Pol. Col. Martin Defensor Jr., iya ginpahayag nga mahimo nga magdugang sila sang personnel ukon police auxiliary nga magatutok sa pagpasiguro sang peace and order sa syudad ilabi na kun kaagahon nga madamo ang nagapadulong sa mga balay kalingawan kag nagapahubog.
May kaangtanan naman sa plano ni Presidente Duterte nga midnight curfew ukon kutob lang alas -12 sa tungang-gab-i ang operasyon sang mga commercial establishment,ginpahayag ni Defensor nga ila tumanon ini apisar mas mauna pa nga mabawi ang executive order 146.
Samtang, gindugang man ni Defensor nga sa ginpatigayon nga pagsinapol nga ginpatawag ni Iloilo City Mayor Jerry Treñas upod sa Iloilo City Police Office kag mga bar owners agud istoryahan ang liquor ban, plano sang mga bar owners nga magtukod sang ila organisasyon agud magduso man sang ila mga kausa.
