ILOILO – Sirado na ang tanan nga gaming entities sa idalom sang Philippine Charity Sweepstakes Office kasunod sang mandu ni Presidente Rodrigo Duterte.
Sa interview sang Bombo Radyo kay Iloilo Police Provincial Office Director Police Col. Marlon Tayaba, iya ginpahayag nga subong nga adlaw, ginlibot niya ang tanan nga gaming outlet sa probinsya sang Iloilo kag iya nakumpirma nga wala na sang pataya sa Lotto, Small Town Lottery kag iban pa nga hampang.
May kaangtanan diri, ginpahayag ni Tayaba nga iya naman nga ginpakig-angotan ang tanan nga chief of police sa probinsya sang Iloilo tuhoy sa closure sang tanan nga gaming entities.
Sa subong suno sa natungdan, ang tanan nga pataya sang Lotto, Small Town Lottery kag iban pa nga hampang ang makabig na nga illegal.
Ang mga madakpan nga nagapataya suno kay Tayaba ang dakpon sang mga pulis.
