Makapa-rehistro na ang publiko nga wala pa makaboto sa Commission on Elections umpisa sa Agosto 1 tubtob Setyembre 30 subong nga tuig.
Sa interview sang Bombo Radyo kay Mr. Jonathan Sayno, Iloilo City Election Assistant Office, iya ginpahayag nga ang voters registration ang bukas humalin Lunes tubtob Sabado, las-8 sang aga tubtob las-5 sang hapon kag bukas man ini kun holiday.
Suno kay Sayno, duha ka mga voters registration ang patigayunon sa diin amo ang para sa Katipunan ng mga Kabataan kag para sa mga regular voters.
Dugang pa sang natungdan, apisar nga gin-paiway ukon i-extend ang Barangay kag Sangguniang Kabataan elections, padayon sa gihapon ang pagbaton sang Comelec sang mga luyag nga magparehistro.
Ang hatagay naman sang voters identification card ang kada Lunes tubtob Byernes las-8 sang aga tubtob alas 4 sang hapon
