ITBAYAT, BATANES -Indi magnubo sa 10 ka mga buluthuan ang apektado sang linog nga nagtay-og sa Itbayat, Batanes.
Pinaagi sa gin-isyu nga statement sang Department of Education, na rekord sang Disaster Risk Reduction and Management Service ang 10 ka mga buluthuan nga apektado sang linog amo man ang 29 ka mga school personnel kag estudyante.
Yari ang mga buluthuan nga apektado sang linog;
-Itbayat National Agricultural High School nga may duha ka patay, 12 ka mga pilason lakip na ang 11 ka mga estudyante samtang tatlo ka mga buildings ang severely damaged
-Itbayat Central School nga may siyam ka mga estudyante nga pilason, isa ka Gabaldon building kag infrastructure ang severely damaged
-Mayan Elementary School nga may apat ka mga pilason lakip ang duha ka mga estudyante, isa ka building ang totally damaged kag duha naman ang severely damaged
-Yawran Barrio School nga may isa ka estudyante nga pilason
-Raele Integrated School nga may isa ka tawo nga pilason kag isa ka classrooom ang gindeklara nga indi safe nga gamiton
-Ivana Elementary School, Chanarian Elementary School, Batanes National Science High School, Basco Central School, kag Uyugan Elementary School nga may mga crack nga nakit-an sa Gabaldon buildings sang mga nasambit nga buluthuan.
Samtang padayon sa gihapon ang monitoring sa mga buluthuan sa pila ka mga lugar agud nga mahibaluan kun may yara pa sang mga casualties kag iban nga mga infrastructure damages.
Nahibaluan nga nagdeklara na sang state of calamity ang Batanes sa diin siyam ang patay bangud sa linog.
Indi naman magnubo sa 60 ka mga tawo ang pilason kag 2,600 ka mga pumuluyo ang nagapabilin sa municipal plaza.
