Local Economic Enterprice Office pagatipunon ang reklamo sang mga vendors sa mga merkado sa syudad sang Iloilo

ILOILO CITY– Tingubon sang Local Economic Enterprice Office ang mga reklamo sang mga vendors sa merkado partikular na ang mga nagabaligya sang isda may kaangtanan sa kumpetisyon sang pagbaligyaanay.

Sa interview sang Bombo Radyo kay Mr. Ariel Castañeda pinuno sang Local Economic Enterprice Office, iya ginpahayag nga ginpangabay na niya sa mga market in-charge nga tipunon ang tanan nga reklamo sang mga vendors nga ila nasakupan nga merkado.

Ini ang may kaangtanan sa pag retail sang isda sa Iloilo Fish Port Complex sa Tanza Baybay City Proper agud mapalab-ot ini kay Iloilo City Mayor Jerry Treñas.

Suno kay Castañeda, bangud wala sa iya jurisdiction ang sa Iloilo Fish Port Complex, ipagalab-ot niya sa alkalde ang nasambit nga problema.

Sang nahibaluan niya suno kay Castañeda ang reklamo sang mga manugbaligya sa merkado, nagkadto siya sa Iloilo Fish Port Complex kag nakit-an niya ang lapnagon nga retail sang mga isda.