ILOILO CITY – Nagahulat lang sang mandu sang Philippine Coast Guard central office ang BRP Cape Engaño kun bala magapadayon pa ang search and retrieval operation sa mga missing nga pasahero sang tatlo ka pumpboat nga nagkulob sa Iloilo-Guimaras Strait.
Sa interview sang Bombo Radyo kay Lt. Junior Grade Cheribel Pugong, Deck Gunnery Officer sang BRP Cape Engaño, iya ginpahayag nga posible nga magalawig lang sang isa ka semana ang search and retrieval operation.
Suno kay Pugong, nakadepende sa mandu sang mga opisyal sang Philippine Coast Guard kag sa tyempo kun bala magapatigayon sang search and retrieval operation buwas nga adlaw.
Ginpahayag ni Pugong nga samtang nagadugay, mas manubo sa 50% ang kahigayunan nga buhi pa ang mga missing.
