MIAG-AO, ILOILO – Padayon ang imbestigasyon sang Miag-ao Municipal Police Station sa kun sin-o ang nagpatay sa isa ka lalaki sa Barangay Cubay Tacas, Miag-ao, Iloilo.
Ang biktima amo si Edgardo Ardagon, 60 anyos sang nasambit nga barangay.
Sa interview sang Bombo Radyo kay Police Corporal Deogracias Nobleza, imbestigador sang Miag-ao PNP, iya ginpahayag nga mahimo ginlampusan ang ulo sang biktima kag ginpaanod na lang sa irigasyon.
Suno kay Nobleza, sang ila gin-respondehan angbangkay sairigasyon, wala sang may na rekober nga pagkabutang sa paggamit sa pagpatay sa biktima.
Apang sang ila ginpadulungan ang balay ni Ardagon, nakit-an na ang mga dugo sa pader kag may mga ngipon nga yara sa salog sa diin ginapatihan iya sang biktima.
Magluwas sini, may mga pilas man nga naangkon si Ardagon sa nawong, agtang, kag kilay.
Sa subong, ginatinguhaan pa sang mga kapulisan nga makilala ang suspek sa pagpatay sa biktima.
