ILOILO CITY – Walo na sa 180 ka mga barangay sa syudad sang Iloilo ang makabig nga drug cleared.
Sa interview sang Bombo Radyo kay Police Col. Martin Defensor Jr., Director sang Iloilo City Police Office, iya ginpahayag nga amat-amat na nga natinlu-an ang mga barangay sa syudad sang Iloilo kun illegal drugs ang pagahambalan.
Suno kay Defensor, ang ila nga ginatutukan sa subong amo nga mangin drug cleared ang 69 ka mga barangay nga slightly affected sa illegal drugs.
Ginpahayag ni Defensor nga sa subong, wala naga-untat ang Philippine National Police agud nga matapna ang pagduging sang illegal drugs sa syudad sang Iloilo.
