Dakop ang suspek sa pagpatay kay anay Ajuy, Iloilo Vice-Mayor Ramon Rojas.
Ini amo si Vicente ‘Itik’ Espinosa nga amay ni Iloilo 5th district Board Member Carol-V Espinosa.
Sa exclusive interview sang Bombo Radyo Iloilo kay Police Major Jonathan Pineula, pinuno sang Provincial Special Operations Group, iya ginpahayag nga naghalin sa Manila si Espinosa kag pag- abot sini sa Iloilo International Airport, ginserbehan ini sang warrant of arrest.
Gilayon naman nga gindala si Espinosa sa Branch 34 sang Ramon Avanceña Hall of Justice.
