GUIMARAS – Posible nga magdeklarar ang probinsya sang Guimaras sang state of calamity santo sa rekomendasyon sang Provincial Disaster Risk Reduction and Management Council agud mahatag ang mga kinahanglanon sang mga tripulante kag operators nga nadulaan sang trabaho bangud sa pagpa-untat sang byahe sa mga motorbanca halin Iloilo-Guimaras vice versa.
Sa exclusive interview sang Bombo Radyo kay Guimaras Vice Governor John Edward Gando, iya ginpahayag nga may yara sang legislative inquiry sa masunod nga semana nga patigayunon ang Sangguniang Panlalawigan sa Guimaras agud nga mahibaluan ang mangin lihok sang Local Government Unit.
Kaupod sa legislative inquiry ang Maritime Industry Authority, Philippine Coast Guard, mga survivors, tripulante kag responders sa Iloilo Strait Tragedy sang Agosto 3.
Suno kay Gando, nagpakig-angot naman si Congresswoman Ma. Lucille Nava sa Department of Social Welfare and Development Region 6 para sa mga bulig nga mahimo mahatag sang ahensya sa mga naapektuhan sa pagkansela sang biyahe.
Dugang pa sang natungdan, apisar sa natabo nga trahedya, padayon nga nagabangon ang probinsya sang Guimaras.
