CARLES, ILOILO – Nahatagan na sang ayuda ang mga pumuluyo sang isla de Gigantes sa Carles, Iloilo kag na-rescue naman ang masobra 170 ka mga na-stranded nga dumuluong pinaagi sa Philippine Coast Guard vessel nga BRP Cape Engaño.
Sa interview sang Bombo Radyo kay Carles Mayor Siegfredo Betita, iya ginpahayag nga 3,500 packs ka relief goods ang ginpanghatag sa mga pumuluyo sa sulod sang duha tubtob tatlo ka adlaw nga supply.
Suno kay Betita, magadugang subong nga adlaw sang ayudad ang Local Government Unit sang Carles para sa mga pumuluyo sa isla de Gigantes amo man sa iban pa nga mga island Barangay.
Dugang pa sang natungdan, bangud sa malain nga tiyempo, wala ginapahanugutan nga magbiyahe ang mga sakayang pandagat.
Nahibaluan nga nagdeklarar sang state of calamity ang banwa sang Carles bangud sa epekto sang malain nga tyempo sa mga pumuluyo sang banwa.
