ILOILO CITY – Wala sang pagtaas sa krimen sa syudad sang Iloilo matapos nga gindula ni Iloilo City Mayor Jerry Treñas ang Executive Order 146 ukon Liquor Ban.
Nasaad sa EO 146 nga ang pagbaligya sang mga makahulubog nga ilimnon sa syudad sang Iloilo ang tubtob lamang sa alas-2 sang kaagahon.
Sa interview sang Bombo Radyo kay Iloilo City Police Office Director Pol. Col. Martin Defensor Jr., iya ginpahayag nga dako ang nabulig sang Curfew for Minors sa diin ginadumilian ang paglagaw sang mga menor de edad sa syudad maglampas sa alas-10 sang gab-i.
Suno kay Defensor, masami nga ginapadulungan sang mga tawo amo ang Smallville Complex sa distrito sang Mandurriao rason nga gindesisyunan sang Iloilo City Police Office nga dugangan ang mga police personnel sa nasambit nga lugar.
Pahayag pa ni Defensor, may katungdanan man ang bar owners agud nga wala sang kinagamo nga matabo.
Pasangkaron man nila suno sa natungdan ang pagbantay sa smallville sa adlaw sang Biyernes kag Sabado bangud madamo ang mga naga night-out.
