ILOILO – Nagdala sang kadalag-an ang pinakabata nga delegado sang Pilipinas sa bag-o lang natapos nga Eastern Asia Youth Chess Tournament sa Bangkok, Thailand.
Si Shan Lester Lañada Jamerlan, anom ka tuig sang Brgy. Amparo, Pavia, Iloilo ang naghatag sang kadungganan sa Pilipinas amo man sa Iloilo.
Siya ang estudyante sang Pal-agon Amparo Elementary School sa Pavia.
Nangin 3rd runner up sa standard game si Jamerlan sa nasambit nga chess tournament sang Agosto 1 tubtob Agosto 10, 2019.
Sa interview sang Bombo Radyo kay Jamerlan, iya ginpahayag nga tuman ang iya pagpasalamat sa iya pamilya kag coach nga nagsuporta sa iya nga gin-intrahan nga kompetisyon ilabi na ang iya amay nga si Rubin Jamerlan.
Suno kay Jamerlan, ang iya amay ang naghanas sa iya sa patag sang chess.
Samtang pahayag naman ni Mr. Jonel Lañada, tiyo ni Jamerlan, nga tuman ang ila kalipay nga nabatayagan bangud isa ang iya hinablos nga nagtiglawas sang Pilipinas batuk sa 27 ka mga nagkalain-lain nga pungsod nga nagpasakop.
Nagpanugyan man si Lañada sa mga pamatan-on nga kaangay ni Jamerlan nga ang tanan ang mahimo mag excell sa patag sang sports kag kinahanglan lang ang dedikasyon kag paghimakas.
