ILOILO CITY– Ginpasalamatan sang pamilya ang tanan nga mga nagkadto haya sang iya nga si anay Iloilo City Mayor Mansueto Mansing Malabor nga nagtaliwan sadtong Agosto 04.
Sa interview sang Bombo Radyo kay Iloilo City Councilor Mandrei Malabor, iya ginpahayag nga nagapasalamat sila sa tanan nga kakilala, abyan kag taga suporta sang iya amay.
Suno kay konsehal Malabor Pancreatic Cancer nga yara na sa advance stage ang gintunaan sang kamatayon sang anay alkalde sang syudad.
Suno sa iya sangmga tinalikdan nga bulannagawa sulod sila sa hospital.
Ginbilin naman sang iya amay nga kun ano ang matabo sa iya, indi lang siya pagdal-on sa City Hall bangud luyag niya nga mangin simple lang ang iya haya sa ila puluy-an.
Nahibaluan nga kagina ala 1:00 may ginpatigayun nga misa sa St.Anne Parish kag matapos sang misa gindala sa funeral homes ang bangkay agud macremate kag ginbalik sa ila puluy-an.
Nagahingyo man ang konsehal nga pangamuyuan ang kalag sang iya amay.
