ILOILO CITY- Indi matakos ang kalipay nga nabatyagan sang major prize winners sa third weely draw sang Swerte sa Palengke promo 2019 sang Bombo Radyo kag Star FM matapos nga nabaton ang ila premyo.
Sa interview sang Bombo Radyo sa 3rd prize winner nga si Edith Dislate sang Veterans Village, Iloilo, City, iya ginpahayag nga dako ang mabulig sa iya sang P3,000 nga nadag-an.
Suno kay Dislate, liwat naman siya nga magabakal sang dugang nga mga proof of purchase agud mas daku ang nga makadaog.
Igabakal naman niya sang bulong sa hapo ang cash nga iya nadag-an.
Nagayuhom-yuhom samtang nagabatun sang iya nadag-an nga P4,000 cash and 2nd prize winner nga si Lilia Vergara.
Suno kay Vergara, nagapasalamat siya nga nakadaog bangud kinahanglanon niya ang kwarta.
Igadugang niya suno kay Vergara sa tuition sang iya anak kag pangbakal sang bulong sang iya bana ang nadag-an nga kwarta.
Tuman nga kalipay ang nabatyagan sang first prize winner nga si Regina Launio sang Quintin Salas Street, Leganes, Iloilo sang ginbaton ang iya premyo.
Sa interview sang Bombo Radyo kay Launio, iya ginpahayag nga ibakal niya sang sobre kag proof of purchase ang nadag-an nga cash lakip na ang mga kinahanglanon sa ila balay.
Gin-agda man niya ang mga tagpalamati nga mag-intra man sa promo sang Bombo Radyo.
