ILOILO CITY – Nagpanghatag sang kopya sang Executive Order 46 ni Iloilo City Mayor Jerry Treñas ang Public Safety and Transportation Management Office sa mga establisimento sa Smallville Complex, Pison Ave. Mandurriao, Iloilo City.
Sa interview sang Bombo Radyo kay Mr. Jeck Conlu, pinuno sang Public Safety and Transportation Management Office, iya ginpahayag nga masobra 30 ka mga bars kag restaurants ang ginpanghatagan sang kopya sang EO 46.
Suno kay Conlu,kinahanglan nga tumanon sang tagsa ka mga establisimento ang mga nasaad sa EO 46 lakip na ang pagpahamtang sang mga gwardya kag bouncers; pagpatuman sang body frisking kag pagtsekyar sang mga bag; pagdumili sa pagserbe sang makahulubog nga ilimnon sa mganmenorde edad amo man sa mga unruly customers; pag backlist sa mga masami mang-gamo; pagdumili sa pagpanigarilyo; pagdumili sa mga militar kag pulis; pagsunod sang mandu sang national government; pagbutang sang Closed Circuit Television camera sa tagsa ka mga establisimento.
Sa tion nga indi pagsundon sang mga establisimento ang mga nasambit nga pagsulundan, gilayon ini nga ipasirado dugang pa ni Conlu.
