LAMBUNAO,ILOILO – Patay ang menor de edad sa Lambunao, Iloilo matapos nga ginapasuni nag-suicide.
Ang bata amo si alyas MM,14 anyos, isa ka grade 9 student.
Sa interview sang Bombo Radyo kay Police Staff Sergeant Jessie Fusin, imbestigador sang Lambunao Municipal Police Station, iya ginpahayag nga nasapwan na lamang sang pakaisa sini ang biktima nga nagabitay na sa kilid sang pwertahan gamit ang lubid.
Suno kay Fusin, nagatinir lamang si MM sa balay sang iya nga tiya bangud ang iya mga ginikanan ang yara sa guwa sang pungsod.
Dugang pa sang natungdan, may yara sila sang may nakuha nga suicide note apang gin gisi-gisi ini gani ila gintinguhaan ini nga ma tapik-tapik agud mahibaluan ang nasaad sa sulat sang biktima.
Sa nasambit nga suicide note, nasaad nga may kalain sang buot si MM sa iya nga iloy apang wala naman natumod ang rason sang paglain sang iya buot.
