GUIMARAS- Lubos nga ginkadismaya sang Local Government Unit sang Guimaras ang indi pagtambong sang pila ka ahensya sang gobyerno sa ginpatigayun nga legislative inquiry sang Sangguniang Panlalawigan sang Guimaras may kaangtanan sa natabo nga Iloilo Strait Tragedy nga ginkamatay sang 31 ka mga two.
Ang nasambit nga legislative inquiry ang gintambungan sang mga katapo sang Sangguniang Panlalawigan sang Guimaras, Survivors kag iban pa nga mga stakeholders.
Suno kay Guimaras Vice Governor John Edward Gando ang nasambit nga legislative inquiry ang may tinutuyo nga mahibaluan kun ano gid ang natabo.
Pahayag pa niya nga wala sila sang tinutuyo nga basulon ukon itum-ok paidalom ang pila ka tawo ukon ang isa ka ahensya.
Ginkaakig naman sang mga opisyal sang Guimaras ang kapaslawan nga magtambong sang Philippine Coast Guard kag sang Maritime Industry Authority.
Wala man suno sa iya nagpadala ang nasambit nga mga ahensya sang pahibalo nga indi ang mga ini makatambong bangud sa pila ka mga rason.
Magapasaka naman sila suno kay Gando sang nagakaigo nga kaso batok sa opisyales sang nasambit nga ahensya bangud man sa pagpabaya kag incompetence sang mga ini.
Ginpatawag sila suno kay Gando agud madepensahan man nila ang ila kaugalingon apang wala ang mga ini nagpakita tubtob natapos ang inquiry
