ILOILO CITY – Nagtaas ang kaso sang Dengue Hemorrhagic Fever sa syudad sang Iloilo.
Santo sa record sang City Health Office, nagtaas sa 1,722 ang kaso sang Dengue subong nga Agosto sa diin 11 na ang patay bangud sa nasambit nga balati-an.
Sa interview sang Bombo Radyo kay Iloilo City Councilor Allan Zaldivar, chairman sang Committee on Health sa konseho, iya ginpahayag nga bangud nga wala sang Task Force on Dengue sa syudad sang Iloilo, iya iduso ang pagtukod sang advocacy team nga magatutok agud nga matapna ang pagduging sang nanari-sari nga balati-an.
Suno kay Zaldivar, bilang pinuno sang Committee on Health, iya nga ginapasiguro nga padayon ang kampanya sang Iloilo City Government agud nga matapna ang Dengue.
Sa bahin naman sang hydration unit sa La Paz Maternity Clinic, ginpahayag ni Zaldivar nga kulang sa gihapon ang hospital staff nga amo ang naga-atipan sa mga pasyente.
