ILOILO – Nagapabilin sa gihapon sa ospital si Iloilo Governor Arthur “Toto” Defensor Jr.
Sa interview sang Bombo Radyo kay Iloilo Provincial Administrator Atty. Suzette Mamon, iya ginpahayag nga naka-istoryahanay sila ni Defensor kag santu sa ginpadala nga statement sang gobernador, ginpasiguro sini sa publiko nga estable na ang iya kondisyon.
Suno kay Mamon, mahimo nga sa masunod nga semana makaguwa na sa ospital si Defensor kag gilayon siya nga magatrabaho.
Dugang pa sang provincial administrator, mahimo nga ginkapoy lamang ang gobernador bangud sa masami ini nagapadulong sa tanan nga district hopitals sang probinsya agud nga lantawon ang kahimtangan sang mga pasyente.
Bangud sa paglain sang matyag ni Defensor kahapon, kinahanglan nga dal-on ini sa ospital agud nga ma rehydrate.
Nahibaluan nga wala sang senyales nga na dengue ang gobernador apang ipa-idalom pa siya sa mga laboratory test kaangay sang X-ray agud malantaw kun bala may yara siya sang pulmonary complications.
