ILOILO,CITY– Naghingyo sang suporta ang National President sang Liga ng mga Barangay sa mga barangay officials sa probinsya sang Iloilo para sa mga programa nga iya igaduso.
Suno kay Eden Chua Pineda, National president sang Liga ng mga Barangay iya ginpahayag sa iya nga mensahe sa ginpatigayon nga Liga Day sang sini lang nga dominggo nga luyag niya nga iduso ang mga programa kaangay sang paghatag sang medical assistance agud hatagan sang pasidungog ang serbisyo nga ginhatag sang mga barangay officials.
Dugang ni Pineda lakip sa nasambit nga program amo ang paghatag sa mga barangay officials sang mga bulong, assistance sa hospital kag mortuary aid.
Nagpasalig si Pineda nga kun magbuligay kag maghugpong lang ang tanan nga barangay officials mahimo nga matigayon ang nasambit nga programa agud mas mahatagan sang maayo nga serbisyo ang mga pumuluyo.
