ILOILO CITY- Nagakadapat suno sa isa ka city councilor nga mangin safe para sa tanan nga mga pumuluyo ang tagsa ka mga dalanon sa syudad sang Iloilo.
Ini bangud sa nagluntad nga pagkapatay sang isa ka legislative staff nga si Mr. Jeffrey Solano nga ginbuno patay sa Jereos, Lapaz, Iloilo City sang tinalikdan nga adlaw sa diin nakaangkon ini sang masobra sa 30 tanan ka mga buno.
Sa nangin privilage speech ni Iloilo City Councilor Jay Treñas, iya ginpahayag nga isa ka mabuot, responsable nga amay sa iya mga anak ang iya legislative staff nga si Solano.
Ginpahayag man niya nga madamo na sang mga insidente nga nagluntad sa mga dalanon bangud man sa impluwensya sang makahulubog nga ilimnon kag madamo naman ang ginbawian sang ila hulam nga kabuhi.
Bangud sang insidente nagpasar siya sang resolusyon sa diin luyag niya nga may yara sang strikto nga implementasyon sang 2014-086 ordinance sa diin magahimo sang liqour licensing and regulatory Council.
Ang nasambit nga enforcing agency ang ginamanduan nga magregulate sang pagbakal, pagpamakal ukon pagpanghatag lakip na ang pag-inom sang makahulubog nga ilimnon sa mga pampubliko nga dalan, sidewalks, plasa kag parks.
Lakip man diri ang mga lugar nga santo sa section 2 letters M tubtob Q sa definition of terms sang layi sa diin na identify diri ang mga night clubs, cocktail lounges, beerhouses, hotels kag restaurants.
Ginapanan-aw naman nga pagkapreso ang mangin sentensya sa mga madakpan nga nagabayolar sa nasambit nga layi.
