ILOILO CITY – Mahimo nga gintublag lang sang kalag ang 6 ka estudyante sang Iloilo City National High School sa Molo, Iloilo City nga ginapahayag ginsudlan sang malain nga espirito subong nga adlaw.
Sa interview sang Bombo Radyo kay Fr. Mark Lester Senina sang Immaculate Conception Tanza Parish kag amo ang nagpatigayon sang pagpangamuyo sa mga estudyante, iya ginpahayag nga may yara sang kinalain ang demonic possession kun ipaanggid sa pagpangtublag sang mga kalag.
Suno kay Dr. Senina, mahimo nga mas malala pa sa pagwaras kag pagsinggitan ang ginhimu sang mga estudyante kun matuod nga malain nga espirito ang nagsulod sa ila.
Ginpahayag ni Dr. Senina nga santo sa pagpangusisa, may yara sang bata nga lalaki nga napatay sa puno sang sambag malapit sa Filipino building.
Matapos ang ginpatigayon nga pagpangamuyo suno kay Fr. Senina, gilayon man nga naumpawan ang mga estudyante.
Mismo ang mga biktima ang nagpahayag nga ginkasadya sang mga kalag nga ginapahayag pamilya sang bata nga lalaki ang ginpatigayon nga pagpangamuyo.
Mas makapaayo suno sa pari nga may yara sang misa ukon spiritual exercises nga ginapatigayon sa eskwelahan agud nga mas mapalapit sa Ginuo ang mga estudyante.
Kun himpit ang pagtuo suno sa natungdan, makabulig ini agud nga indi madali nga masudlan sang malain nga espirito ukon matublag sang kalag.
