ILOILO CITY – Pilason ang driver sang motorsiklo matapos makabunggo sa SUV sa Barangay Tabuc Suba, Jaro, Iloilo City.
Ang driver amo si Ronaldo Gomez kag ang driver naman sang SUV amo si Roger Rodriguez.
Sa interview sang Bombo Radyo kay Rose Rodriguez, sakay sa SUV, iya ginpahayag nga madasig ang pagpadalagan sang motorsiklo nga padulong sa Jaro Plaza sa diin wala pa ini sang headlight.
Ang SUV naman ang padulong sa Leganes nga area sa diin nagliko ini bangud mapatughong kuntani sang gasolina sang gilayon na lang nakabunggo ang motorsiklo nga ginamaneho ni Gomez.
Suno kay Rose, malayo pa lamang nagsignal light na ang SUV apang bangud sa madasig nga pagpadalagan sang motorsiklo, natumba ini kag nakaangkon sang pilas sa nagkalain-lain ng bahin sang iya lawas.
