ILOILO CITY – Magkaupod nga nagpanihapon subog nga gab-i sa Jaro Cathedral ang pila ka mga arsobispo sa pungsod kaupod si Most Rev. Fr. Midyphil Billones.
Matapos ang evening prayer kaina sang kasisidmon, magkaupod nga nagkaon sanday Billones kaupod ang pila ka mga kilala nga Arsobispo sa pungsod kasubong nanday Archbishop Gabriele Giordano Caccia, papal nuncio to the Philippines, Manila Archbishop Luis Antonio Cardinal Tagle, Jaro Archbishop Jose Romeo Lazo, Jaro Archbishop emeritus Angel Lagdameo, Cebu City Archbishop Jose Serofia Palma kag Davao City Archbishop emeritus Fernando Robles Capalla.
Pagkatapos sang panihapon, may yara sang profession of faith si Billones.
8:30 buwas sang aga, may yara sang patigayunon nga prosisyon halin sa Archbishop’s Residence padulong sa Jaro Cathedral samtang 9:00 buwas sa aga, natalana ang pag-orden kay Billones bilang Auxillary Bishop sang Cebu City.
